--Ads--
Impetteng ni sigud a Senate President Chiz Escudero a nakasagana daytoy nga agpalawag iti kanito a maipaayan iti show cause order.
Sigun kenkuana, aramidenna amin dagiti pammilin kenkuana tapno laeng mailawlawag a saan daytoy a naglabsing iti aniaman a linteg.
Pagpalpalawagen met itan ti Commission on Elections (Comelec) daytoy ken ti contractor a nagidonar iti P30 million a campaign donation bayat ti 2022 senatorial campaign kenni Escudero.
Iti kanito a makaisumitir ti nasao a kontratista iti sungbat daytoy, sumaruno met nga agpalawag ti senador.
Kagiddan dayta, nagyaman ni Escudero kenni Comelec Chairman Garcia gapu ta naipaayan daytoy iti gundaway a paneknekan nga awan ti nilabsingna a linteg.
