Binabalaw ni sigud a senator Ramong Bong Revilla dagiti nang-akusar kenkuana iti pakainaiganna iti flood control scandal iti panag-atendar daytoy iti preliminary investigastion iti plunder case daytoy seknan iti flood control scandal idiay Department of Justice.
Kweskwestionaran ti kampo ti sigud a senador ti pannakawayawaya ti co-respondents daytoy a da sigud nga Department of Public Works and Highways (DPWH), sigud nga Undersecretary Roberto Bernardo ken dagiti sigud nga DPWH Engr. a da Henry Alcantara at Gerard Opulencia kalpasan iti panagbalinda nga state witnesses.
Gapu iti daytoy, da Revilla, John, ken Jane Does nalang ti nagbati a respondents iti nasao a kaso.
Dinakamay metlaeng ti pannakangiwat ti kampo ni Revilla nga adda dagiti nakitada a nagdumaan kadagiti statements ni Bernardo pakairaman ti petsa, gatad ti kwarta, bilang dagiti deliveries a maatap nga intedna iti sigud a senador.
Inlawlawag met ti Department of Justice nga saan nga opisyal a nadischarge dagiti state witnesses agingga saan a naipaay ti Certificate of Materiality manipud iti Witness Protection Program. // Bombo Karen Calpoe Sapirao
