BAGUIO CITY – Nakabalud ita ti maysa a sigud a miyembro ti Philippine Army a maysa kadagiti top most wanted persons iti probinsia ti Apayao kalpasan a nakemmeg manipud iti sumagmamano a tawen a panaglemmengna.
Nabigbig daytoy a ni Vicente Tabbu Licayo, 64-anyos, tubo ti Tuao, Cagayan ken residente ti Morning Breeze Subdivision, Barangay 84, Caloocan City.
Sumangsango daytoy iti kaso a rape in relation to RA 7610 o ng Special Protection of Children Against Abuse, Exploitation and Discrimination Act wenno panagrames.
Inyetnag ni Judge Quirino Andaya ng RTC – 2nd Judicial Region, Branch 26 ng Luna, Apayao ti warrant of arrest ni Licayo.
Naamuan a ti suspek ti No.4 top most wanted person iti 1st Quarter ken No. 5 top most wanted person iti 2nd Quarter ti 2018 sadiay Apayao.
Nailista pay daytoy kas No. 1 top most wanted person iti munisipyo ti Conner, Apayao idi 2015 agingga 2017.
Addaan daytoy iti patong iti ulo a P90,000.
Nakemmeg ni Licayo, sumagmamano nga aldaw kalpasan a nasaripatpatan daytoy dagiti pulis iti maysa a convenient store sadiay Caloocan City.
Naamuan nga agserserbi ti suspek kas caretaker iti maysa nga apartment sadiay Morning Breeze Subdivision, Barangay 84, Caloocan City.
Sigun iti Cordillera PNP, pammaneknek daytoy nga awan ti suspek nga aglemlemmeng manipud iti linteg ti saan a matiliw.
