--Ads--
BAGUIO CITY – Napaay manen ni sigud a two-time ONE Lightweight World Champion Eduard Folayang iti comeback fight daytoy iti ONE: Inside The Matrix a naangay idi rabii sadiay Singapore Indoor Stadium.
Daytoy ket kalpasan a naabak iti tallo a rikos a labanda kenni Antonio Caruso ti Australia babaen iti unanimous decision.
Gapu iti daytoy, iggem ita ti 369-anyos nga Igorot MMA veteran ti rekord a 22 wins ken 10 losses.
Daytoyen ti maikapat a panaka-abak ni ‘The Landslide’ manipud iti lima a naudi a labanna.
Nupay kasta, impetteng ni Folayang a saan latta daytoy a nakasagana nga agretiro manipud iti panakilabanna iti MMA.
Kinunana nga uray saan a nasurot ti planona ngem gagangay iti laban a mabalin nga agbaliw iti amin no addan iti uneg ti octagon.
