Addaan itan ni sigud a United States President Donald Trump ti Tiktok account, maysa a nalatak a social media platform a pinadas na metlaeng nga i-ban bayat ti administrasyonna.
Impablaak ni Trump ti kaunaan a content datoy a 13-second clip idi aleng Sabado ti rabii bayat ti panagatendarna iti Ultimate Fighting Championship bout sadiay Newark, New Jersey.
Iti agdama, nakaurnungen ti account daytoy ti 4.9 million followers nu sadino, inladawanna pay a maysa daytoy a nalaka a wagas tapno direkta a makitungtong kadagiti Amerikano.
Maipalagip a pinirman ti agdama a presidente a ni Joe Biden kas maysa a linteg ti panakai-ban ti nasao a social media platform sadiay Estados unidos idi leng Abril nu sadino, naipaayan laeng ti siam a bulan a pawayway ti agtagikua iti daytoy tapno maminpinsanna nga ikkaten sakbay pay a ti Estados Unidos mismo ti mangblock iti daytoy.
Iti baet dayta, addaan metlaeng ti account ni Biden ti nasao a social media platform nu sadino, addaan daytoy ti 353.9k a followers, nababbbaba ngem iti account ni Trump.
Kabayatanna, agparparang a ti panakaaramid ti account da Biden ken Trump ket adda pakainaiganna iti kampanya dagitoy para iti umadanin nga eleksyon iti nasao a pagilian nu sadino, agpada dagitoy nga agngayangay iti kinapresidente.
