Impetteng ni film actor Stormy Daniels a nasken a maibalud ni sigud a United States President Donald Trump gapu kadagiti kaso daytoy.
Daytoy ket kalpasan ti panagtestigona maibusor kenni Trump, no sadino naduktalan a guilty daytoy.
Ti talo pulo ket uppat a kaso ket nagtaud iti 11 invoices, 12 vouchers , ken 11 a tseke manipod iti binulan a reimbursement ni Trump manipod iti panagbaybayadna kenni Michael Cohen nga isu met ti nangireprisintar kenni Trump a bayadan ti $130,000 ni adult star Stormy Daniels tapno agulimek daytoy ken saanna nga iwaragawag a naaddaanda kenni Trump ti relasyon a mabalin a makaapektar iti 2016 elections.
Gapu iti panagtistigo ni Daniels, nangitunda daytoy iti pannakairuar dagiti kaso daytoy.
Pinagyamanan met ni Daniels dagiti otoridad agsipud ta napaneknekan daytoy a saan nga aglaslastog.
Kabayatanna, imbinglay ti asawa ni Daniels a ni Barret Blade nga adda dagiti pangta manipud kadagiti suporters ni Trump.
Nupay kasta, kinuna ni Daniels a nakasagana daytoy a mangsango iti aniaman a pangta kenkuana.
