Pinagyamanan ni sigud nga Estados Unidos President Joe Biden dagiti Amerikano iti ayat ken suportada kenkuana kalpasan a kinunana a na-diagnose iti prostate cancer.
Idi laeng kalman, imbutaktak ti agtawen ti walopulo ket dua a ni Biden a nadayagnos isuna ti agresibo a kita ti prostate cancer, ken nagwarasen iti tulangna.
Adu met ti nangipaay ti nasayaat a tarigagay para kenkuana pakairamanan ni President Donald Trump, sigud nga United States Vice President Kamala Harris, ken dagiti Amerikano.
Idi laeng Biernes a nadayagnos ni Biden iti nasao a sakit kalpasan a nakapasar ti urinary symptoms ken naduktalan ti prostate nodule manipod kenkuana, sigun iti opisinana.
Maibasar iti report ti American Cancer Society, ti prostate cancer ti kadawyan a kita ti kanser kadagiti lallaki a maysa iti walo a lallaki idiay Estados Unidos ti nadayagnos nga addaan ti nasao a sakit iti panagbiagda.
Nupay maagasan nangruna nu nasapa a matakuatan, daytoy ti maikadua a kangrunaan a rason ti ipupusay dagiti lallaki, sigun iti nasao nga organisasion.
