Puntiria nu sigud a Vice President Leni Robredo ti posision a Mayor idiay Naga City, saan a ti agbalin a senador.
Daytoy ket sigun kenni Liberal Party (LP) president ken Albay Representative Edcel Lagman.
Kinuna ni Lagman a ti rason ti panagtarayna iti Naga City ket tapno ituloy ti programa ti pimmusay nga asawana.
Maipalagip a sigud a Mayor ti Naga City ti pimmusay nga asawa ni Robredo a ni sigud nga Interior and Local Government (DILG) secretary Jesse Robredo.
Nupay kasta, kinuna ni Lagman a tumulong iti kampanya nga agbalin a senatorial bets ti LP ni Leni iti 2025 elections.
Saan a dinakamat ni Lagman nu siasinno dagiti pambato to LP ken kaalyado dagitoy iti senatorial race.
Iti agdama, awan paylaeng ti komento manipod mismo kenni Robredo.
Kabayatanna, inton Oktubre, mangrugi a mangipila ti panagkandidato dagiti kandidato dagitoy iti 2025 elections.
Karaman kadagiti maibotor ket 12 a senador; gobernador; bise-gobernador; congressman; partylist representatives; mayor, vice mayor ken dadduma pay a lokal a posision.
