BAGUIO CITY – Naiyetnag ken naiserbi ti warrant of arrest kontra kenni sigud a Baguio Representative Nicasio Aliping Jr. ken kadagiti kontraktor a da William Go, Bernard Capuyan ken Romeo Aquino idi kalman.
Iti panakiuman ti Bombo Radyo kenni Atty. Lauro Gacayan, abogado ni Aliping, kinunana nagbayad metten ni Aliping iti P200,000 a piyansa a kas nailanad iti rekomendasyon ni RTC Branch 10 Presiding Judge Emmanuel Rasing ken ti Office of the Ombudsman.
Innayonna a nagpiyansa met ni Go bayat a manamnama a sumaruno nga agpiansa dagiti dua pay a kontraktor.
Ti kaso ket mainaig pay laeng iti panaglabsing dagitoy iti Revised Forestry Code of the Philippines kasaruno ti panangpukanda iti adu a kayo iti Mt. Sto. Tomas forest reserve sadiay Tuba, Benguet para iti road project a paturong iti sanikua ti pamilya Aliping sadiay.
Nangitunda daytoy iti panakapukan ti agarup 300 a kayo ken panaglibeg ti water source ti Baguio Water District.
Maipalagip nga indauluan da sigud a Baguio-Benguet Bishop Carlito Cenzon ken Lingayen-Dagupan Diocese Archbishop Socrates Villegas ti panakaipila ti Writ of Kalikasan tapnu maipasardeng ti amin nga aktibidad iti Mt. Santo Tomas para iti panakasalwad daytoy.
————- Filipino translation ————
BAGUIO CITY – Nagbayad ng piyansa ang dating kongresista ng Baguio City na si Nicasio Aliping Jr. matapos ilabas ng korte ang warrant of arrest laban sa kanya at sa tatlo pang kontraktor.
Kaugnay pa rin ito sa apat na bilang ng paglabag sa Revised Forestry Code of the Philippines na isinampa laban sa mga ito.
Ayon kay Atty. Lauro Gacayan, abogado ni Aliping, nagbayad ng P200,000 na piyansa si Aliping batay sa rekomendasyon ni RTC Branch 10 Presiding Judge Emmanuel Rasing at ng Office of the Ombudsman.
Maliban kay Aliping ay nagbayad na rin ng piyansa ang kontraktor na si William Go at inaasahang magbabayad na rin sina Bernard Capuyan at Romeo Aquino.
Aniya, nag-ugat ang kaso sa pagkakaputol ng halos 300 na punong kahoy sa Mt. Sto. Tomas Forest Reserve, Tuba, Benguet, para sa dalawang kilometro na kalsada patungo sa lupa na pag-aari ng pamilya Aliping.
Dahil sa nasabing earthmoving activities ay naapektuhan din ang water source ng Baguio Water District na nagsusuplay ng tubig sa buong lungsod ng Baguio.
