--Ads--
Inlawlawag ni sigud nga Executive Secretary Lucas Bersamin a saan a naglusulos manipod iti puestona, maisupadi iti kinuna ti Malakanyang nga inaramidna ti panaglusulos gapu iti “delicadeza.”
Sigun kenni Bersamin, adda ti immawag kenkuana nga agikkat daytoy kas Executive Secretary, ngem ti awag ket saan a manipod iti Malakanyang.
Impakaamona ti nasao a banag iti Presidente babaen iti text a saan a parikut kenkuana ti umikkat.
Kinunana pay nga agarup alas dos ti malem, impakaamo a dagos ti PCO a naglusulos daytoy gapu iti “delicadeza,” ngem sigun kenkuana, saan pay a nangisubmitir ti aniaman a surat agingga iti agdama.
Kinuna pay ni Bersamin a saan nga isu ti “mastermind of anything.”
