--Ads--
BAGUIO CITY – Ad-adalen pay ti Department of Education (DepEd) – Baguio ti singasing a panakakissay ti pondo ti Cordillera Administrative Region Athletic Association (CARAA) Meet 2020.
Sigun kenni Marie Carolyn Verano, Schools Division Superintendent ti DepEd-Baguio, panggepda nga agbalin laengen a P9-M ti P15-M nga immuna a naisingasing a pondo ti paay-ayam.
Kinunana a maad-adal ti panakaikkat ti pondo kadagiti saan unay a napateg a paset ti aktibidad.
Nupay kasta, kinuna ni Verano a saan pay a pinal ti mailatang a pondo iti CARAA Meet 2020.
Immunan a kinuwestionaran ti City Council ti P15-M a pondo a naisingasing para iti CARAA Meet 2020.
