--Ads--
BAGUIO CITY – Ad-adalen ti lokal a gobyerno ti siudad ti singasing a pannakaibangon ti Baguio City Zoo.
Sigun kenni Mayor Benjamin Magalong, nagtaod ti singasing manipud iti operator ti maysa a Zoo sadiay Rizal a mangirekrekomendar iti pannakaibangon ti Baguio Zoological Park partikular sadiay Avilon Wildlife Conservation Foundation ngem mapunpuntirya a maibangon sadiay Botanical Garden.
Nupay kasta, kinunana a nasken a masurot ti P4 ordinance ken magna iti umno a proseso sakbay a maipatungpal ti ebalwasyon iti nasao a proyekto.
Inayonna a naipama iti P4 Committee ti proyekto gaputa kasapulan a maadal ti track qualification, legal qualification ken financial qualification sakbay a maipatakder daytoy.
