Imbinglay ni Baguio City Councilor Raynor Salvosa nga adu dagiti nabaliwan iti Proposed Revised Liquor Code no sadino isingsasing daytoy a maipangato ti minimum legal drinking age iti siudad.
Kasaruno daytoy dagiti public consultation a naipatungpal nu sadino patienna a napabutngan dagiti dadduma a bar owners nangnangruna dagiti bars a ti kangrunaan a kostumer da ket dagiti college students.
Iti pannakiuman ti Bombo Radyo kenni Councilor Salvosa, imbinglayna a nagdesisyon ti City Council nga irepublish ti nasao a gakat.
Kagidan daytoy, dinakamatna a sigun kadagiti naipatpatungpal a public consultations iti kallabes, kaaduan kadagiti bar owners iti siudad ket umanamong iti daytoy.
Imbinglay metlaeng ti nasao nga opisyal a rumrumuwar iti consulation dagitoy a saan a nasayaat a makita nga agin-inom iti arak dagiti agdepdependar pay laeng iti allowance.
Innayon na pay nga idi damu ket 21 ti insingasingda a tawen para iti nasao a gakat ngem kalpasan dagiti naisayangkat a public consultation, naipangato daytoyen iti 23.
Sigun kenkuana, saan pay laeng a pinal daytoy gapu ta adda pay laeng dagiti mannarimaan a consultation a maisaysayangkat pakairamanan dagiti agtutubo.
Mainaig iti dayta . .
Inlawlawag ni Councilor Paolo Raynor Salvosa ti nagbalin a basaranda para iti tawen a 23 para iti Proposed Revised Liquor Code.
Iti pannakiuman ti Bombo Radyo kenkuana, kinunana a nu edad nga 18, kaleplepas laeng ti maysa nga indibidual iti senior high wenno mangrugi pay laeng daytoy iti kinakolehiyo.
Inlawlawagna a nu apay a 23 ti naikabil iti nasao a singasing ket tapno sigurado a nalpasen a nagadal dagiti agtutubo.
Innayonna a kasaruno metlaeng daytoy ti pannakipatpatangda kadagiti agtutubo ken dadduma a constituents no sadino naamuwanda nga adu dagiti estudyante a mabagbagsak iti pagadalan gapu iti panaginom iti arak.
Malaksid iti dayta, adu metlaeng dagiti aksidente a napaspasamak no sadino nairamanan daytoy dagiti indibidual nga ada iti impluwensya iti arak.
Kagidan daytoy, imbinglay ni Councilor Salvosa a sisusuporta met ditoy ti City Health Services Office no sadino kinunana nga iti kaudian a meeting dagitoy, inpresenta ti CHSO dagiti statistics seknan kadagiti insedente a nakairamanan dagiti nababartek nga indibidual.
Innayon met ni Councilor Salvosa nga adanto pay dagiti maisayangkat a konsultasyon kadagiti nagduduma a sektor seknan iti nasao nga isyu tapno mangegan met dagiti bennegda. //bombokaren.c.sapirao
