BAGUIO CITY – Naimatangan ti mapapati a sinkhole idiay Uabac, Camp 7, Kennon Road, Baguio City itay parbangon, Pebrero 2, 2026.
Iti interview ti Bombo Radyo iti maysa a residente, kinunana a ti sinkhole ket mapapati a gapu iti nabayagen nga underground mining a maipatpatungpal iti nasao a lugar.
Malaksid iti dayta, naobserbaran metlaeng ti sumagmamano a betak iti kalsada ken panagbaba daytoy.
Iti agdama, nakabilan metten daytoy iti caution tape ken signages ngem makidkiddaw ti panagsiput ken saan unay a napartak a panagpataray iti lugan nangruna iti nasao a paset ti kalsada tapnu maliklikan ti insidente kalpasan nga adda ti naaksidente itay laeng parbangon.
Ti abut ket nauneg ken mabalin a maipisok ti maysa a motor. | via Bombo Noveh Organo, Bombo Jonathan Tudo
