Sinungbatan ni Two-time Olympic gold medalist Carlos Yulo dagiti akusasyon ti inana a ni Angelica Yulo kontra kenkuana ken iti nobyana a ni Chloe San Jose.
Iti baet dagiti statement ti ina ni Yulo, kinuna ti gold medalist a napakawannan ti inana idi paylaeng.
Sigun kenni Carlos, saan nga idi 2021 a naawatna ti incentive daytoy no diket idi 2022 ken saan laeng a P70k daytoy agsipud ta ammona a 6 digits daytoy gapu ta dua a medalya ti napangabakanna iti nasao a pasalip.
Kinunana a saanna a naawat ti nasao nga incentives ken saanna a pulos a dinawat daytoy kadakuada.
Nupay kasta, kayatna a maamuan no anya ti naipanan wenno nakausaran ti incentives daytoy.
Impettengna a ti principle daytoy ket maipakaammo kuma kenkuana a naawat ti nanangna ti nasao nga incentives ken ti saanna a panangipakada sakbay a ginarawna ti nasao a kwarta.
Kabayatanna, inlawlawagna a ti panagbadbado ken panaggargaraw ti nobyana ket isu ti kinadakkelanna a kultura agsipud ta dimmakel daytoy idiay Australia.
Innayon pay Carlos nga adda ti bukod nga income ti nobyana nga isu metlaeng ti ar-aramettena a panggatang kadagiti usar ken pangtravel-na.
Malaksid iti dayta, impettengna pay nga iggem ti inana dagiti bank accounts daytoy kasta metten dagiti monthly allowance-na ngem idi naalana ti account daytoy ditoy-na met a naamuan nga in-inot nga ib-ibbusen daytoy ti inana.
Inaklonna met a nangrugi ti saan a pinagkaawatan dagitoy iti inana gapu paylaeng iti nobyana agsipud ta saanna a kayat daytoy para kenkuana.
Kiddawna met a mapakawan daytoy ti inana iti baet ti saanda a nagkinnaawatan.
