BAGUIO CITY – Impanamnama ni PSSupt. Ramil Saculles, city director ti Baguio City Police Office, nga agtaltalinaed a natalged ti siudad ti Baguio.
Segun kenkuana, agtaltalinaed a ti siudad ti Baguio ti katalgedan ken kakapia-an a lugar iti Amianan.
Nagyaman met daytoy iti Police Regional Office Cordillera iti impaay dagitoy a tallogasut a police recruits nga agserbi a katulongan dagiti pulis ditoy siudad.
Linawlawaganna pay a saan a naka-red alert ti BCPO ken dagiti nakawaras a pulis iti aglawlaw ti siudad ket dagitoy dagiti police recruits a maipaspasidong iti regular program kas iti patrol, investigation ken traffic management.
Mainaig iti daytoy, immapela ni Saculles iti publiko a tumulongda iti pulisya ken nu adda man ti maawatda nga impormasyon wenno anyaman a pangta ket iyumanda daytoy kadagiti otoridad.
