Agtultuloy ti initiatiba ti siudad ti Baguio mapasayaat ti panangimanehar kadagiti basura iti siudad.
Kabayatan iti meeting ti siudad seknan iti “Pansa-nopen Tayo” circular economy program, natalantan dagiti nagduduma a wagas tapno makabukel kadagiti sustainable activities tapno maguyugoy ken maengganyo amin a mangisegregate kadagiti basbasurada.
Sigun kenni City Veterinarian and Agriculture Office (CVAO) head Dr. Silardo Bested, rumbeng nga adda dagiti aktibidad wenno produkto a mabukel manipud kadagiti waste management efforts tapno masustinir ti nasao a programa.
Para kadagiti babbarangay nga addaan iti addu a recyclable wastes, mannarimaan ita ti pannagregget ti siudad a makabukel iti direkta a koneksyon kadagiti kompanya a saklawen ti Extended Producer Responsibility (EPR) program.
Makatulong daytoy kadagiti informal waste pickers nga agdepdependar kadagiti recyclables kas panangalaanda iti income.
Kagiddan dayta, guyguyugoyen ti siudad dagiti babbarangay a mangbukelda met iti bukod da a sistema para iti food waste, green waste, ken compostable a basura pakairamanan iti composting activity tapno makaaramid kadagiti materyales para iti agrikultura.