--Ads--
Impakaammo ti lokal a gobyerno ti siudad ti Baguio babaen iti City Administrator’s Office nga awan ti maipapaulog a registration fee kadagiti atleta iti tryouts ti 2026 Batang Pinoy Games.
Sigun kenni City Administrator Vittorio Jerico Cawis, adda ti singasing idi para iti registration fee iti pre-qualifying activities ngem saan daytoy a naaprobaran kabayatan iti meeting ti City Sports Office ken sumagmamano a coaches iti napalabas a lawas.
Innayona metlaeng a binilinan ti City Sports Office nga ifacilitate da ti panangpundo iti tryouts ita a tawen.
Kagidan dayta, impasiguradona a mailukat ti selection process iti amin tapno maguyugoy dagiti agututubo a makipaset kadagiti nagduduma nga sports. //bombokaren.c.sapirao
