Mangisayangkat ti siudad ti Baguio iti El Niño Summit inton Mayo 29 idiay Baguio Convention and Cultural Center.
Daytoy ket tapno maaddressan ti kritikal a pakaseknan ti danum ken mapapigsa pay ti depensa ti siudad nu maipanggep kadagiti kalamidad.
Sigun kenni Baguio City Mayor Benjamin Magalong a mangidadaulo metlaeng ti City Disaster Risk Reduction and Management Council (CDRRMC), mapauloan ti nasao a summit iti “DANUM 2026: Directing Action and Networks for Urban Management of Water Stress – A Baguio City Summit on El Niño Preparedness and Water Resilience”.
Panggep pay daytoy a mapatibker ti panagsagana, response ken aksyon iti siudad maipapan iti agdama a mapaspasaran nga El Niño.
Manamnama a makipaset ditoy dagiti concerned city offices, barangays, water service providers, ken dadduma pay nga stakeholders.
Innayon ni Mayor Benjamin Magalong, paset iti Baguio City El Niño Action Plan ti pannakaipatungpal ti nasao a summit no sadino bigbigen dagiti makipaset dagiti risgo ken intervention a kasapulan tapno maaddressan dagiti pakaseknan.
Maguyguyugoy met amin nga opisina ken babbarangay a agatendar iti nasao a summit tapno maibinglayda dagiti pakaseknan kadagiti nagduduma a lugar iti siudad. //bombokaren.c.sapirao
