Nabigbig ti siudad ti Baguio kas Top Model City kabayatan ti naipatungpal a “Manila Times Model Cities and Municipalities Forum, Reinventing, Reinvigorating, Urban Living” itay nabiit sadiay Quezon City.
Ti siudad ti Baguio ti first place iti Safe Haven, Education Hub, Family First, Livelihood category kasta met iti Employment Centered, Retirement Haven, Social Service Oriented category ken Food Security Enabler category.
Napadayawan metlaeng daytoy kas first runner-up iti Sustainability Champion category.
Ti nasao nga award program a naipatungpal ket para iti panakabigbig dagiti siudad ken munisipalidad a nangipakita iti innovative ken sustainable initiatives para iti panakagun-od ti reinventing ken reinvigorating urban living.
Kadagiti pammadayaw a naala ti siudad ti Baguio, ni City Mayor’s Office Executive Assistant Samantha Hamada ti nagbalin a representative a nang-awat kadagitoy.
