--Ads--
BAGUIO CITY – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa kadagiti Regional Top 10 Drug Personalities ti Cordillera kalpasan a natiliw iti buy-bust operation a naisayangkat iti asideg ti mini grandstand ti Melvin Jones sadiay Burnham-Legarda Barangay, Baguio City idi kanikadua.
Nabigbig daytoy a ni Jay Kiwas Alamar, 27-anyos, baro, awanan trabaho ken residente ti Purok 9, Bakakeng Norte Sur, Baguio City.
Nakumpiskar kenkuana ti dua a pakete ti maatap a shabu nga agdagsen ti agarup nasurok 5.5 grams nga aggatad ti nasurok P37,000.
Narekober iti ikotna ti naaramat a buy-bust money.
Naamuan a ni Alamar ket maysa nga Streel Level Individual iti iligal a droga.
