Natalantan ti maisingsingasing nga Smart Urban Mobility Project (SUMP) kabayatan iti City Development Council (CDC) meeting a napasamak itay nabiit.
Ti nasao a panagtalantan ken paset iti addang ti lokal a gobyerno ti siudad ti Baguio iti panang-address iti trapiko iti siudad partikular iti Central Business District.
Sigun kenni Mayor Benjamin Magalong a mangidadaulo metlaeng iti CDC, gapu kadagiti baro a lugan a maipaparehistro iti tunggal aldaw, impettengna a kasapulanen ti siudad ti Baguio iti innovative solution tapno ma-addressan ti road congestion iti siudad.
Innayon daytoy a naisubli iti opisina na ti singasing nga Smart Urban Mobility Project (SUMP) manipud iti City Council idi Enero para iti updated a feasibility study daytoy.
Inlawlawagna a nabayagen gamin ti naaramat a datos iti nasao a singasing ken kasapulanda dagiti updated nga impormasyon tapno adadda a maadalda dagiti pamay-an tapno maaddressanda ti traffic iti siudad.
Kagiddan dayta, inwaragawagna metlaeng nga insanod metlaeng ti project proponent ti P250.00 a congestion free kayatna a sawen mabaliwan ti nasao a gatad.
Kabayatan iti nasao a meeting, impakaammo ni Donald Saurombe manipud iti Metro Pacific Tollways Corporation (MPTC) a mannarimaan ti pannakaisagana ti baro a feasibility study no sadino karamanen ti Proof of Concept (POC). Manamnama a malpasda daytoy iti las-od ti tallo a bulan.
Apaman a malpas ti updated a feasibility study ken Proof of Concept, maipresenta manen daytoy iti City Development Council (CDC) para iti komento ken endorsement sakbay a maisumitir daytoy iti City Council. //bombokaren.c.sapirao
