Binigbig ken pinadayawan ti provincial government ti SN Aboitiz Power-Benguet (SNAP-Benguet) kas number one responsible taxpayer iti probinsya ti Benguet.
Ti nasao a pammadayaw ket naipaay iti SNAP Benguet bayat ti Benguet Gong Awards iti Business Achievement and Yield wenno Benguet GABAY 124th Foundation Anniversary celebration ken ti manarimaan nga Adivay festival iti nasao a probinsya.
Sigun kenni SNAP-Benguet Assistant Vice President and Plant Manager Hollis Fernandez, pammaneknek daytoy iti integridad, transparency, ken collaborative partnershipda iti probinsya ti Benguet.
Naipaay dagiti pammadayaw kadagiti business establishment wenno indibidual manipud iti Benguet kas panangbigbig kadakuada gapu iti kontribusyon dagitoy para iti pagsayaatan ti probinsya.
Maysa ti SNAP Benguet kadagiti mangipapaay kontribusyon iti pagsayaatan ti probinsya.
