Dakkel ti agbalbalin nga akem ti social media iti panakaitandudo iti turismo ti probinsya ti Benguet.
Iti panakiuman ti Bombo Radyo kenni Eleazar B. Carias, Provincial Chief Tourism Officer ti Benguet, kinunana a malaksid iti media ket maysa kadagiti katulunganda tapno maipakaamo dagiti “hidden gem” wenno nagduduma a tourist destination ket ti social media.
Sigun kenni Carias, babaen iti cyberspace ket mabalin a maipakita no anya dagiti namnamaen dagiti turista a kitaen ken bisitaen iti probinsya ti Benguet.
Iti sabali a bangir, maipalpalagip a sumagmamano a munisipyo ti Benguet ket mangipatpatungpal iti environmental fee kas iti Atok, Kabayan, Tublay, Bakun ken daduma pay kas pagtaudan ti pondo dagitoy a mangipataray kadagiti aktibidad-da iti turismo.
Gapu iti dayta, nasken nga agbayad dagiti turista kadagiti environmental fee a maipatpatungpal.
