--Ads--
Itudtudo ti Commission on Filipino Overseas (CFO) a ti social media ti kangrunaan a rason, no apay nga addu a Pilipino ti makias-asawa kadagiti foreign nationals.
Maibasar iti datos idi 2022, dumanon iti agarup innem a ribu a Pilipino ti naki-asawa iti foreign nationals.
Kaaduan kadagitoy ti naki-asawa iti Americans, Japanese, Germans, Canadians ken Australians.
Nupay kasta, nagballaag ni Commission on Filipino Overseas chairperson Romulo Arugay kadagiti amin a Pilipino, nangruna dagiti babbae a sukimaten ken am-ammuenda a nalaing dagiti background dagiti foreign nationals a maam-ammoda iti online.
Kasaruno daytoy iti pannakakemmeg dagiti lima a foreign nationals, gapu iti kaso a human trafficking.
