BAGUIO CITY — Pimmusay ti maysa a soldado kalpasan kalpasan a rinaot dagiti maatap a kameng ti New People’s Army (NPA) ti detachment ti militar sadiay Sitio Guisang, Poblacion, Balbalan, Kalinga itay agsapa.
Nabigbig ti pimmusay a ni PFC Samuel Neri a kameng ti Alpha Company ti 50th Infantry Battalion ti Philippine Army.
Iti report a naala ti Bombo Radyo kenni PS/Supt. Alfredo Dangani, Provincial Director ti Kalinga PNP, pimmusay ni Neri kalpasan a natamaan iti rifle grenade ti advance command post ti nasao a batalyon.
Naitaray iti Balbalan District Hospital ti nasao a soldado ngem pimmusay daytoy kalpasan ti sumagmamano nga oras gapu iti gapu iti nalak-amna a nakaro a dunor.
Maibasar iti report, nakiranget dagiti kameng ti soldado a bimmayag iti agarop 25 minuto sakbay a timmakas dagiti nasurok 25 a kameng ti NPA.
Am-amuen pay dagiti otoridad no adda dagiti posible a casualty kadagiti rimmaut a kameng ti NPA.