BAGUIO CITY-Inlawlawag ni Baguio City Solo Parents Federation Acting President Zeth Galao Santos a mabalin nga agsubli manen dagiti solo parents a nagayat manen ngem napaay iti maikadua a gundaway a mabalin nga umasideg iti barangay-da.
Iti pannakiuman ti Bombo Radyo kenkuana, kinunana a mangisubmitir laeng dagitoy iti requirements a kasapulan iti panag-aplikar manen kas maysa a solo parent.
Dagiti requirements ket depende no anya ti sitwasyon ti maysa a solo parent ngem ti napateg ket iparangda laeng ti Identifiction Card dagitoy.
Kabayatanna, imbinglayna ni Santos ti panagyamanna kadagiti padana a solo parent agsipud ta sisusuportada kenkuana iti baet a narigat ti napasaranna kas maysa a solo parent.
Nagbalin met nga adal kenkuana ti agbalin a natibker para iti masakbayan ti anak daytoy.
Kabayatanna, al-allukuyen ni Santos ti publiko nga agturong laeng dagitoy idiay Session Road, Baguio City tunggal dominggo tapno ag-avail dagitoy iti programada kas ti manicure, pedicure, massage ken dadduma pay.
