Kangrunaan a rason iti pannakadadael dagiti poste ken tranformer iti koriente iti Benguet Electric Cooperative dagiti panannakatumba iti kayo ken kawayan kadagiti major line ken secondary line.
Iti pannakiuman ti Bombo Radyo kenni Laarni Ilagan, Community Relations Associate iti Benguet Electronic Cooperative kinuna na a bassit dagiti nailista dagitoy a naddael iti agdama ken kabaelanda a matarimaan daytoy.
Inyuna-unay ni Ilagan a malaksid iti panagregget dagiti lineman, dakkel ti tulong dagiti member consumer owners wenno MCO’s iti dagos a pannakatarimaan dagiti nadadael a poste ken linya iti koriente babaen iti dagus a pannangipakaammoda kadagitoy.
Mainaig iti dayta, makidkiddaw kadagiti telecommunications company ti panangtarimaanda kadagiti nakauy-uy ken saan a maus-usar a kable tapno maliklikan ti posible a pannakairaman ti linya dagiti koriente apaman nga aksidente a maguyod daytoy dagiti lugan.
Kabayatanna, maguyguyogoy dagiti kayatna nga agaplikar para iti election iti board member iti BENECO nga agisubmitirada ti certificate of candidacy nangruna dagiti maikari nga MCO’S, partikular iti District 6 iti siudad ti Baguio ken District 11 iti probinsia iti Benguet para iti election iti board members.
Iti sabali a bangir, nangipatulod itay nabiit ti BENECO iti 11 a personel dagitoy para iti Task force Kapatid a tumulong sadiay Cagayan para iti restoration dagiti silaw dagitoy a nadadael kadagiti nagduduma a kalaminadad sadiay.//mp4
