Inlawlawag ni Senate President Chiz Escudero a saan a mabalin a piliten ti Korte Suprema ti Kongres nga agaramid ti linteg a mangipawil ti political dynasty.
Dinakamat ni Senador Escudero ti 2013 a pangngeddeng ti Korte Suprema a nangdismis iti umasping a petision.
Daytoy ket kalpasan a nangipila ti petision a certiorari ken mandamus da Constitution framer Atty. Christian Monsod ken sigud a Supreme Court justice Conchita Carpio-Morales ken Antonio Carpio iti Korte Suprema babaen ti panangdakamatda a maipawil iti 1987 Constitution ti political dynasty ken mangimandato iti Kongreso a mang-define iti “political dynasties” babaen ti linteg.
Inlawlawag ni Senador Escudero a saanna a lapdan a maipasa dagiti anti-political dynasty bills iti Senador, numan pay paset daytoy iti local dynasty idiay Sorsogon.
Kabayatanna, maibasar iti panagadal a nairuar idi 2022, maiparparangarang a dandani 80% a kameng ti Kongreso ken nasurok kagudua iti local government officials ket manipod iti “feudal families” wenno “political dynasties.”
Iti agdama, adda maysa a pending bill iti Senado ken House of Representatives ken agpada a maipapan kadagiti political dynasties.
