Nangipaay ti International Criminal Court (ICC) ti special medical accomodation para kenni sigud a president Rodrigo Duterte iti uppat nga aldaw a pre-trial daytoy.
Nalimitaran met laeng ti oras a kaatidog ti panagdengeg daytoy tapna maliklikan ti pannakabanogna.
Nangiparang metlaeng ti nasao nga korte ti iskedyul ti time break para iti sigud a presidente no sadino ket maaddaan daytoy iti 30-minutes time break iti umuna a session ken 90-minutes break iti maikadua a session.
Sigun pay iti nasao a korte, bumayag laeng ti hearing ti maysa nga aldaw ken saan a bumaba iti tallo nga oras.
Naituding ti umuna nga aldaw ti pre-trial inton Pebrero 23 para iti pannakakumpirmar dagiti posible a kaso a maipataw iti nasao a sigud a presidente. // Bombo Karen Calpoe Sapirao
