BAGUIO CITY – Napaay ni Pinoy boxing champion Carlo “The Ferocious” Magali a mangidepensa iti titulona nga Oriental and Pacific Boxing Federation (OPBF) Super Featherweight Champion manipud kenni unbeaten Japanese prospect Hionori Mishiro.
Naangay ti maikatlo a title defense ni Magali sadiay Tokyo, Japan idi kalman.
Nangabak ni Mishiro babaen iti split decision nupay adu dagiti kailyan a mangkunkuna a nangabak ni Mishiro gaputa pagilianna ti naka-angayan ti laban.
Gapu iti daytioy, addaan ita ni Magali iti rekord a 23 wins, 10 loss ken 3 draws bayat nga iggem ita ni Mishiro ti record a 6 wins, pakairamanan ti 2 knockouts.
Maipalagip a nagun-od ni Magali ti interim OPBF title kalpasan nga inabakna ni Sandeep Balhara idi July 2017 ken nadepensaanna daytoy iti labanda kenni Masatoshi Kotani idi January 2018.
Ni Magali ket tubo ti Talibon, Bohol ken agsansanay daytoy iti sidong ti nalatak nga Highland International Boxing Promotions a nakabase sadiay La Trinidad, Benguet.
