LA TRINIDAD, BENGUET – Naduktalan dagiti otoridad nga stab wounds to the chest and back ken Hemorrhagic shock ti rason iti ipupusay ti agtawen iti 55 a lalaki a nasarakan iti pagmulaan ti Sayote sadiay Ambiong, La Trinidad, Benguet idi February 16, 2026.
Iti pannakiuman ti Bombo Radyo kenni La Trinidad municipal police station Police Lieutenant Colonel Zacarias Caloy Dausen, kinunana a naduktalanda ti tallo a sugat iti biktima.
Rumrumwar ti inisial nga imbestigasyon ti kameng ti La Trinidad Municipal Police Station nga adda ti mapukpukaw a kwarta ti biktima.
Sigun kenni Police Lieutenant Colonel Dausen, daytoy ti maysa kadagiti kitkitaenda nga anggulo, nangruna ket maysa kadagiti bulsa ti biktima ti nakaruar ken posible a natakawan daytoy.
Impetteng ti opisyal nga agtultuloy ti panangipatungpal dagitoy iti imbestigasyon para ti panakaduktal ti motibo ken pudno a napasamak.
Kabayatanna, naalaanen iti sworn statement dagiti 11 a dadduma pay a nakadwa ti biktima.
Nupay kasta, manarimaan paylaeng ti panagvalidate da kadagiti statement dagitoy.
Impeksa ni Dausen nga iti baet nga adda ti discrepancies, nasken nga ivalidateda tapno maammuan ti pudno a napasamak.
Iti agdama, awan ti persons of interest dagiti otoridad ngem mangnamnama dagitoy nga addan to kadagiti sumarsarunu nga aldaw.
Agtultuloy ladta ti imbestigasyon ken panangsapul dagitoy iti agtestigo para iti pannakairisot ti kaso.//via Bombo Noveh Organo
