BAGUIO CITY – Manarimaan ti pannakaiyakar dagiti Fruit ken Food Vendors iti sangwanan ti Maharlika Livelihood Center (MLC).
Iti interview ti Bombo Radyo kenni Maharlika Livelihood Center Administrator Arthur Alad-iw, kinunana a maiyakar dagiti Fruit ken Food Vendors iti 4th Floor bayat a maiyakar met dagiti vendors iti Cellphone ken related accessories iti 6th Floor.
Maibasar iti panagsukimat ti Bureau of Fire Protection (BFP), City Veterinary and Agriculture Office (CVAO) ken Building Code, maibilbilang nga obstraction dagiti stalls agsipudta, nagserbi a paglakuan ti lobby.
Malaksid iti dayta, makasingnga dagiti stalls kadagiti pagnaan ti tattao.
Inlawlawag ni Alad-iw a ti lobby ket saan a paglakuan no diket “waiting area”.
Innayon ti nasao nga opisial a manamnama a kargaanda iti tugawan ti lobby ti nasao a pasdek.//mp4
