Narugyanen ti panakaimuntar dagiti stalls iti paset iti Rose Gaden, Burnham Park para iti Baguio Flower Festival Market ita a tawen.
Sigun iti maysa a personnel a nakaduty iti nasao a paset iti pagpasyaran, nangrugi ti panakaimuntar dagiti stalls idi pay Lunes nu sadino,addan dagiti nakasagana a lanlandok a maaramat para kadagitoy.
Tunggal stall ket addaan met iti 2 agingga 2.5 metro a kalawa a maimuntar iti agsinnumbangir a lane iti uneg iti nasao a pagpasyaran.
Iti agdama, addan iti agarop limapulo nga skeleton dagiti stalls ti narugyan a naimuntar ken manamnama a maileppas daytoy kadagiti sumarsaruno pay nga aldaw.
Mainaig iti dayta, temporaryo paylaeng met a naiparekep ti Rose Garden tapno mawayaan biit dagiti lawn grass sadiay kalpasan ti Yuletide Season.//Bombo Noveh Organo
