Inwaragawag ni Baguio City Mayor Benjamin Magalong a saan a kasapulan a maideklara ti State of Calamity iti siudad ti Baguio gapu ta kabaelan pay met ti resources ti siudad ti panangiyurnos kadagiti nadadael gapu iti naglabas a bagyo ken habagat.
Sigun kenni Charles Bryan Carame, City Disaster Risk Reduction and Management Officer, awan pay laeng ti basaran iti pannakaideklara ti calamity status iti siudad.
Innayon daytoy nga iti sidung ti Republic Act No. 10121, maideklara laeng ti state of calamity iti maysa a lugar nu saan daytoy a mabaelan ti coping capacity a kasapulan no sadino kasapulan a 15% ti populasyon ti agkasapulan ti emergency aid, 30% iti livelihood ti naapektaran wenno addaan iti major infrastructure ken agricultural destruction.
Inlawlawagna a sigun iti kaudian a Rapid Damage Assessment and Needs Analysis (RDANA), saan pay laeng a nadandanun ti siudad ti criteria para iti pannakaideklara iti state of calamity. //bombokaren.c.sapirao
