Patien ni House Deputy Minority Leader ken ACT Teachers Representative France Castro a ti statement ni President Ferdinand “Bongbong” Marcos Jr, ti nangpakapuy ti panggepda nga impeachment kontra kenni Vice President Sara Duterte.
Sigun kenni Castro, maysa a rason ti kinuna ni President Marcos Jr. a saan a pannawen ti impeachment kontra iti Vice President, a saan a matultuloy ti impeachment.
Saan a mamati ni Castro iti kapanunutan dagiti dadduma a ti proseso ti impeachment ket gapu iti kinakurang ti oras, ken dinakamatna a tallo nga impeachment complaint ti naipilan sipud pay idi Disiembre.
Ti tallo nga impeachment complaints ket maipapan iti mapapati a saan a nasayaat a panagaramat ti confidential funds.
Maipalagip nga immunan nga impaganetget ni President Marcos a saan nga umno a tiempo a mairugi ti proseso ti impeachment.
Daytoy ket gapu iti umadanin a panagkampanya dagiti kandidato.
