Kinontra ni Kabataan Party List Representative Raoul Manuel ti kinuna ni Senate President Francis Escudero seknan iti maatap nga iregularidad iti naisingasing a 2025 budget, nga impaganetgetna nga awan koma ti blangko iti ratified bicameral conference committee report.
Iti baet a pinaglibakan ni Senador Escudero nga adda ti blangko nga “items” iti bicameral report, kinunana a dagiti dokumento ket naglaon ti dokumento iti probision a mangipaay iti pannakabalin iti House Committee on Appropriations ken ti Senate Committee on Finance a mangipatungpal iti sumagmamano a “correction.”
Impaganetget ni Escudero a ti napirmaan a budget a nagbalin a linteg ti napateg, saan a ti report.
Ngem para kenni Congressman Manuel, nasken a siguraduen nga awan ti iregularidad iti bicam report, a nakabasaran ti enrolled bill ken ti Budget Law.
Kinuna ni Manuel a suportaranna ti aniaman a panagregget tapno makuwestunar ti badyet iti Korte Suprema.
