Ipresentan ti House prosecution dagiti ebidensya seknan iti alegasyon nga ‘unexplained wealth’ ni Vice President Sara Duterte iti panagtuloy ti impeachment trial inton bigat, Setyembre 14.
Agserbi kas co-leads iti Articel I ti prosecution team da Bicol Saro Party-list Rep. Terry L. Ridon ken Akbayan Party-list Rep. Chel Diokno.
Karaman kadagi tingitingenda ket ti Statements of Assets, Liabilities and Net Worth (SALNs) ti bise presidente ken dagiti rekords ti kompanya a maikonkonekta kenkuana ken iti asawan a ni Atty. Manases Carpio.
Tallo met a testigo ti naituding nga ipasango ti prosekusyon pakaibilangan ti maysa a retirado a Sandiganbayan justice official ken sumagmamano nga opisyal manipud iti Office of the Ombudsman ken Securities and Exchange Commission (SEC).
Agarup 1,800 met a dokumento ti bangko, buwis ken dadduma pay a financial record ti insagana ti prosekusyon kas paset iti ebidensya iti Article II ti impeachment case.
Panggep ti prosekusyon a tingitingen nu agtunos kadagiti sanikua ken financial transaction ni VP Sara iti indeklarana iti SALN na ken iti lehitimo a pangal-alanna iti kita na.
Immunan a dinakamat ni Ridon a dagiti rekord manipud kadagiti bangko ken Bureau of Internal Revenue (BIR) nga inala ti proseksyon ti maudi a napateg a ‘pillar’ iti ebidensyada iti alegasyon nga unexplained wealth ti bise presidente.