Mangisayangkat ti International Criminal Court (ICC) Trial Chamber III inton Miyerkules, Septiembre 14 iti maikatlo nga status conference maipapan iti kaso a crimes against humanity kontra kenni sigud a President Rodrigo Duterte.
Naikeddeng a mangrugi ti conference iti oras ti 10:30 a.m. sadiay The Hague wenno 4:30 p.m. iti oras ti pagilian a Pilipinas.
Manamnama a mai-livestream online ti nasao nga status conference.
Matalantan ditoy ti detalye ti kaso ti prosecution, agraman ti listaan dagiti saksi ken ebidensiana, ti bilang dagiti oras a maipaay iti piskal, ti agtultuloy a pannakaipablaak ti depensa ken dadduma pay a posible nga insidente a mainayon iti kaso.
Pagsasaritaan pay dagiti partido ti trial schedule a mangrugi inton Nobiembre 30, agraman ti singasing a maaddaan iti “blocks of hearings with breaks.”
Saan paylaeng a nalawag no dumar-ay ni sigud a Presidente Duterte agsipudta immun-una a napalubosan a saan a makipaset iti pre-trial proceedings.
