BAGUIO CITY – Inkari ti maysa a soldado nga aramidenda ti amin tapnu mapagtalinaed ti linak ken kapia ditoy pagilian.
Segun kenni 1Lt Gerson Garcia, company commander ti maysa nga army company sadiay Marawi City, nakasaganada nga agibuwis iti biag para pay laeng iti wayawaya dagiti umili a Pilipino ken iti pagilian.
Naamuan a daytoy ti maysa kadagiti nakinegosasyon kadagiti Maute local terror group tapnu wayawayaan dagitoy dagiti kawtiboda nga ubbing ken babbai.
Iti panakiuman ti Bombo Radyo, kinunana a kabayatan a nakaposisyon dagitoy ket nakitada dagiti marigrigatan a hostages nangruna dagiti ubbing.
Kinunana nga asinoman ti adda iti nasao a sitwasyon a makakita kadagiti agsangsangit nga ubbing ket lumukneng ti pusona ken aramidenna ti kas iti inaramid dagitoy.
Inyistoryana a pasado alas dose ti pangaldaw, kadwana ni Cpt. Jeff Buada, ken dagiti dadduma a soldado ket imbatida ti paltogda ken sisasango a nakitongtongda kadagiti terorista a grupo tapnu wayawayaanda dagiti kawtibo dagitoy.
Balligi met a naispal ti adu a hostages nupay nagrugi manen ti rinnupak pasado alas kwatro ti malem kalpasan nga adda ti maysa a nagpaputok kadagiti kalaban.
Imbinglayna met a nasakit ti mapukawan iti katropa gaputa uray nu saanda nga agkakadaraan ket agkakabsat ti panangibilbilangda iti tunggal maysa.
Ni 1Lt Garcia ket agtawen iti duapulo ket innem, tubo ti Pangasinan, ken uppat a tawennan iti serbisyo.
————————————-
Filipino translation:
BAGUIO CITY – Tiniyak ng isang army officer na gagawin nila ang lahat upang mapanatili ang kaayusan at kapayapaan sa bansa.
Sa panayam ng Bombo Radyo kay 1Lt Gerson Garcia, company commander ng isang army company sa Marawi City, sinabi niya na nakahanda silang magbuwis ng buhay para sa kalayaan ng mga Pilipino at ng bansa.
Napag-alamang isa ito sa mga nakinegosasyon sa Maute local terror group upang mapalaya ang hostages ng mga ito na mga bata at babae.
Ikinwento nito na nakita nila na nahihirapan ang mga hostages lalo na ang mga bata.
Pasado alas dose ng tanghali, kasama niya si Cpt. Jeff Buada, at ibang sundalo ay ibinaba nila ang kanilang baril at nakipag-usap sila sa teroristang grupo para sa pagpapalaya sa hostages ng mga ito.
Matagumpay na naisalba ang mga hostage bagama’t muling sumiklab ang bakbakan pasado alas kwatro ng hapon matapos magpaputok ang isa sa mga kalaban.
Ibinahagi naman nito na masakit ang mawalan ng katropa dahil kahit na hindi sila magkakadugo ay magkakapatid naman ang turingan nila sa bawat isa.
Si 1Lt Garcia ay 26-anyos, tubo ng Pangasinan, at apat na taon na nito sa serbisyo.
