Inwaragawag ti joint military command ti Iran a naiserra manen ti Strait of Hormuz ita a Sabado, June 20, 2026.
Naiserra manen ti kangrunaan a ruta dagiti barko sadiay middle east gapu iti panagatake ti Israel sadiay Lebanon, “bad faith” ti Amerika ken ti maatap a panaglabsingda iti peace deal a napirmaan ita a lawas.
Iti statement ti Iran, kasapulan a mangisayangkat dagitoy iti addang no agtultuloy ti panagatake.
Maipalagip a nangrugin ti panagdalyasat dagiti barko iti Strait of Hormuz kalpasan ti US-Iran agreement.
Nupay kasta, naipaserra manen ita gapu kadagiti nasao a maatap a panaglabsing.
Nagramot ti isyu kalpasan a binombaan ti Israel ti southern Lebanon idi Sabado a nangitunda iti ipupusay dagiti 16 a tattao.
Napasamak ti insidente, sumagmamano nga oras kalpasan nga immanamong ti Israel ken Hezbollah iti ceasefire sadiay Lebanon.
