BAGUIO CITY – Pinalen ti desisyon ti lokal a gobyerno ti La Trinidad, Benguet a mangituloy iti Strawberry Festival 2022.
Napagnumuan daytoy iti taripnong nga insayangkat ti executive committee para iti nasao a festival.
Sigun iti mayor ti munisipyo, lima laeng nga aktibidad ti napagnumuan dagitoy a maisayangkat kabayatan ti month-long festival.
Kinunana a dagitoy ket ti strawberry lane; ti thanksgiving mass ritual inton March 18; ti online a band competition; clean-up drive iti deppaar ti Balili River, Buloc Creek ken Puguis Communal Forest ken ti strawberry cake baking.
Inlawlawagna a babaen iti panakailukat ti strawberry lane iti municipal park ket maipaayan dagiti small and medium-sized enterprises ti La Trinidad a mangilako kadagiti nagduduma a produkto dagitoy.
Mangrugi ti festival inton March 7 ken agleppas inton March 20 nupay posible a mailaylayon ti strawberry lane agingga inton March 30.
Nakanselar met dagiti crowd-drawing events kas iti flower parade ken float parade gapu paylaeng iti manarimaan a pandemya.
Mangnamnama ti mayor nga uray simple ti Strawberry Festival 2022 ket agbakun daytoy a naisangsangayan iti baet ti agdama a pandemya.
