Tampok iti grand opening ti Panagbenga Festival 2026 ti Street dancing competition, partikular iti Elementary Division a maangay intun Domingo, January 31, 2026.
Iti interview ti Bombo Radyo kenni Andrew Pinero, Media Committee Chairman ti Baguio Flower Festival Foundation Inc. (BFFF INC.), kinunana nga innem a grupo ti makipaset iti Elementary Division bayat a 12 iti Cultural dance.
Maisayangkat ti initial a judging intun bigat tapno maipaayan dagiti performers iti gundaway nga ad-adda a papintasenda pay ti performance dagitoy iti Grand Street Parade.
Sumagmamano kadagiti kabangibang a Munisipio iti Benguet ti makipaset iti nasao a kompitesion.
Kabayanna, impanamnama ni Pinero nga awan ti dakkel a karit a sangwen dagitoy iti pannakaipatungpal ti nasao a piesta.
Sigun kenkuana, 30 a tawenen nga ar-aramidenda daytoy isu’t gapuna a kompiansa daytoy.//mp4
