Kinumpirmar ni Interior Secretary Jonvic Remulla a mangipaulogda iti subpeona para kenni Senator Ronald “Bato” dela Rosa intun Lunes, Mayo 11, 2026.
Inlawlawag ni Remulla a saan nga arrest warrant daytoy no diket paset ti imbestigasyon mainaig iti sumagmamano a reklamo kontra kenni dela Rosa iti maatap nga extrajudicial killings ti war od drugs iti administrasyon ni sigud a President Rodrigo Duterte.
Innayon ti opisial nga awan paylaeng ti nakitada a kopya ti arrest warrant ti International Criminal Court (ICC) kontra iti senador.
Maipalagip nga immunan a linawlawagan ti ICC a saanda pay a nangipaulog iti public arrest warrant para ken ni dela Rosa.
Mainaig iti daytoy, inawaragawag ni Remulla a saan nga ituloy ti Department of Interior and Local Government (DILG) ti pannaka-deploy dagiti 10,000- man task force para iti pannakaarestar ti senador.
Nupay kasta, agtultuloy ti panangbiruk ti Philippine National Police-Criminal Investigation and Detection Group (PNP-CIDG) iti senador para iti subpeona.
