Nangipaulog ti House joint panel iti subpoena kadagiti lima a contractors a saan a dimmar-ay bayat ti congressional inquiry seknan iti isyu dagiti naanomalyaan a flood control projects.
Ti joint panel ket bukbuklen ti Committees on Public Accounts, Public Works and Highways, ken ti Good Government and Public Accountability.
Dagiti lima a contractors ket karaman kadagiti 15 nga innaganan ni President Ferdinand Marcos Jr. a nakaala iti agarup P500 billion a gatad ti flood control projects ti gobierno.
Sigun kenni Bicol Saro Party-list Rep. Terry Ridon, chairperson ti House committee on public accounts, addaan dagitoy iti kaskenan a dokumento seknan kadagiti nasao a contractor.