--Ads--
Naituding nga agprotesta dagiti sumagmamamo a transport group iti pagilian intun March 26 agingga 27, 2026.
Sigun kenni PISTON national president Mody Floranda, agkaykaysa ti Public utility jeepneys (PUJ), Buses (PUB), Utility vehicle express (UVE), Transportation network vehicle services (TNVS), Motorcycle taxis (MC), ken dadduma pay para iti panagprotesta dagitoy.
Daytoy ket kagiddan ti panangngato ti presyo dagiti petrolyo.
Impetteng ni Floranda a kiddawenda ti panagbaba ti presyo ti produkto a petrolyo, pannakaikkat ti excise tax, ken pannakaibasura ti Oil Deregulation law ken dadduma pay.
Maisayangkat ti kilos protesta iti Welcome Rotonda sadiay Quezon City agingga iti Mendiola sadiay Manila intun March 27.
