--Ads--
Kinuwestion ni Senador Rodante Marcoleta dagiti bangko iti pagilian nu apay a saanda a sursuroten dagiti linteg a naituding para iti sektor ti agrikultura.
Maibasar iti Republic Act 10000, amin a pribado ken pampubliko a bangko ket nasken nga agilatang iti 25% loanable funds a maipabulod kadagiti mannalon ken benepisyaryo ti Agrarian Reform.
Nupay kasta, imbutaktak ni Senador Marcoleta a manipud iti 25% a loanable funds ket 4% laeng ti impautang dagiti bangko kadagiti mannalon.
Impeksa ti nasao a senador nga agar-aramid dagiti dadduma a bangko iti wagas tapno saan a makautang dagiti mannalon agsipud ta iti panagkitada ket saan a makabayag dagitoy iti utang.
