Naragsak a pinasangbay da House Committee on Overseas Workers Affairs chairman ken Tingog Party-list Rep. Jude Acidre, kaduana dagiti sumagmamano a government official ti isasangpet dagiti 290 a nareptriate a Pilipino manipud Lebanon.
Sigun kenni Acidre, maysa daytoy kadagiti kiddawna partikular ti seguridad ken kasasaad dagiti Pilipino iti intero a lubong.
Impasigurado met dagitoy dagiti kaskenan a tulong kaduada dagiti partner agencies babaen iti panangipaayda iti suparta ken dadduma pay para kadagiti nadakamat a narepatriate a Pilipino.
Kinomendaranna met ni President Bongbong Marcos Jr., iti agtultuloy a pangipaayna iti kaskenan a tulong para iti dagus a pannakarepatraite dagiti dadduma pay.
Sigun iti Department of Migrant Workers (DMW), dagiti 290 a Pilipino ket pakairamanan dagiti 233 nga overseas filipino workers, dagiti sangapulo ket tallo a dependents kasta metten dagiti dua pulo ket maysa nga overseas filipinos.
