Kinondenar ti sumagmamano a grupo ti “panangpatay” iti legislated P200 across-the-board wage increase kagiddan ti pananglagipda ti Independence Day idi kalman kadagiti kalsada.
Karaman kadagiti nagkonder ket ti Kilusang Mayo Uno (KMU) ken ti Sentro and Federation of Free Workers (FFW).
Inkari ti nasao a grupo nga agtultuloy ti pannakidangadangda para iti panagngato ti panggedan.
Sigun iti Sentro and Federation of Free Workers (FFW), napaay a maipasa ti gakat gapu kenni President Marcos Jr. babaen iti pannakitulagna ken da House Speaker Martin Romualdez ken Senate President Francis Escudero.
Sigun pay iti nasao a grupo, inlaksid ti gobierno ti tsansa a mawayawayaan dagiti mangmangged manipod iti kinapanglaw ken bisin.
Immunan a nagballaag ti government economic team ti posible a nakaro nga epekto ti legislated wage hike kadagiti negosio, panggedan, inflation ken ti ekonomia.
Nagballaag metlaeng dagiti bussiness groups iti iti pannakapukaw ti trabaho ken pannakaserra nangruna dagiti small enterprises a mangbukbukel iti kaaduan a negosio iti pagilian.
