Kinuwestunar dagiti sumagmamano a grupo ti mapapati nga illegal server transmission of election returns (ERs) sangapulo nga aldaw kalpasan ti eleksion ti Pilipinas iti agdama a tawen.
Sigun iti Alyansa na Nagkakaisang Mamamayan (ANIM) ken Church Leaders Council for National Transformation, nagdalan dagiti ER iti server para iti consolidation sakbay a napanda kadagiti server dagiti election watchdogs, dominant majority ken minority party, ken media.
Kinuna ni Atty. Alex Lacson a manipud kadagiti automated counting machines kadagiti presinto, napan dagiti election returns iti central server, back server, ken data center, nga amin ket imanmanehar ti Commission on Elections (Comelec).
Pinaglibakan met ti Commission on Elections ti alegasion, ken kinunana a manipod iti presinto, dagiti election returns ket maipatulod iti amin a saan a maipasa babaen iti third party.
Indatag pay dagiti grupo ti pakaseknanda maipapan kadagiti balota a maipapati a na-shade idi maited kadagiti botante, ken dagiti saan nga agtutunos a resulta dagiti botos ken dagiti resibo.
Sigun met iti Commission on Elections, no nagreklamo dagiti botante iti election board, rumbeng ngarud nga adda iti official record wenno mabalin a paset ti protesta ti eleksion.
Iti agdama, nangipilada ti election protest iti Commission on Elections agsipud ta adda laeng 10 nga aldawda manipud iti aldaw ti pannakaiwaragawag dagiti nabutosan nga opisial.
